తట్టు (మీజిల్స్) వ్యాధి: లక్షణాలు, కారణాలు, రోగ నిర్ధారణ & చికిత్సలు

తట్టు (మీజిల్స్)ను రుబియోలా అని కూడా అంటారు. ఇది శ్వాసకోశ వ్యవస్థలో ప్రారంభమయ్యే వైరల్ ఇన్‌ఫెక్షన్. తట్టు అనేది ఒక అంటు వ్యాధి. తట్టు వ్యాధిని కలిగించే వైరల్ ఇన్‌ఫెక్షన్ ప్రధానంగా పారామిక్సోవైరస్ కుటుంబానికి చెందిన మోర్బిలివైరస్ ద్వారా వ్యాపిస్తుంది.ఈ వైరల్ ఇన్ఫెక్షన్ మొదట శ్వాసకోశంలో ప్రారంభమై తరువాత రక్తం ద్వారా శరీరంలోని ఇతర భాగాలకు వ్యాపిస్తుంది. తట్టు ఉన్న వ్యక్తిని నేరుగా కలిసినా, తట్టుతో బాధపడుతున్న వ్యక్తి దగ్గినా, తుమ్మినా ఆ వ్యక్తి లాలాజలం నుంచి వైరస్ గాలిలో కలుస్తుంది. తద్వారా ఆరోగ్యకరమైన వ్యక్తికి కూడా ఇది సంక్రమిస్తుంది. ఈ వైరస్ సోకిన వ్యక్తికి 4 రోజుల ముందు మరియు 4- 5 రోజుల తర్వాత చర్మంపై దద్దుర్లు కనిపించిన తర్వాత తట్టు అంటువ్యాధిగా మారుతుంది. రోగ నిరోధక శక్తి తక్కువగా ఉన్న బలహీనమైన వ్యక్తులకు ఇలాంటి  వైరల్ ఇన్‌ఫెక్షన్ అతి సులభంగా సోకుతుంది.

తట్టు వ్యాధి పిల్లల్లో మరియు 20 సంవత్సరాల కంటే ఎక్కువ వయస్సున్నపెద్దలలో సాధారణంగా చూడవచ్చు. ఈ వ్యాధి పెద్దలలో తీవ్రమైన  సమస్యలను కలిగించనప్పటికీ, చిన్నపిల్లలలో దీని ప్రభావం మరింత ఎక్కువగా ఉంటుంది. సాధారణంగా ఒక సంవత్సరం వయస్సుకంటే తక్కువ ఉన్న పిల్లలు, టీనేజ్ పిల్లలు, పౌష్టికహారం తీసుకోని వారిలో మరియు రోగనిరోధక శక్తి తక్కువగా ఉన్న వారిలో ఈ సమస్య మరింత ఎక్కువ. తట్టుతో బాధపడుతున్న వారిలో దాదాపు 30% మంది వ్యక్తులు ఒకటి లేదా అంతకంటే ఎక్కువ సమస్యలను ఎదుర్కొంటారు. తట్టు వ్యాధి తీవ్రంగా ఉన్నప్పుడు చిన్నారుల్లో తీవ్రమైన విరేచనాలు, న్యుమోనియా వంటి శ్వాస కోశ వ్యాధులు, అంధత్వం, అంగవైకల్యం మరియు మెదడువాపు వ్యాధికి కూడా గురయ్యే ప్రమాదం ఉంది. పౌష్టికాహార లోపం ఉన్నప్పుడు, ముఖ్యంగా విటమిన్ A లోపం ఉన్నప్పుడు మీజిల్స్ వ్యాధి తీవ్రత మరింత ఎక్కువగా ఉంటుంది.

తట్టు వ్యాధి యొక్క లక్షణాలు

సాధారణంగా మీజిల్స్ వైరస్ బారిన పడిన  10-12 రోజుల్లో తట్టు లక్షణాలు కనిపించడం ప్రారంభిస్తాయి.

మొత్తం శరీరంపై దద్దుర్లు రావడం తట్టువ్యాధిలో కనిపించే ప్రధాన లక్షణం. ఇలా చర్మంపై వచ్చిన దద్దుర్లు 7 రోజుల వరకు కనిపిస్తాయి మరియు వైరస్ సోకినప్పటి నుంచి చర్మంపై దద్దర్లు 14 రోజుల వరకు ఉంటాయి. ఈ దద్దుర్లు సాధారణంగా తలతో మొదలై నెమ్మదిగా శరీరంలోని ఇతర భాగాలకు వ్యాపిస్తుంది.

సాధారణంగా తట్టు వ్యాధిలో కనిపించే లక్షణాలు:

• జలుబు
• దగ్గు
• జ్వరం 
• ముక్కు కారటం
• ఒళ్లు నొప్పులు
• గొంతులో మంట
• నీరసం
• ఆకలిలేకపోవడం
• నోటిలో తెల్లని మచ్చలు రావడం
• కళ్ల మంటలు మరియు కళ్లు ఎర్రబడడం
• చెవి ఇన్ఫెక్షన్లు రావడం
• తీవ్రమైన విరేచనాలు కలగడం
• బ్రోన్కైటిస్
• అంధత్వం బారిన పడడం

తట్టు వ్యాధికి గల కారణాలు

ఒక వ్యక్తి తట్టు బారిన పడేందుకు ప్రధాన కారణం వారికి టీకాలు వేయకపోవడం ముఖ్యంగా చిన్న పిల్లలు మరియు గర్భిణీ స్త్రీలల్లో రోగనిరోధక శక్తి తక్కువగా ఉండడం

తట్టు వైరస్ ఉపరితలాలు మరియు వస్తువులపై కొన్ని గంటల పాటు జీవించగలదు. కావున కలుషితమైన ఉపరితలాలను తాకి, ఆపై ముఖాన్ని, కళ్ళు, ముక్కు లేదా నోటిని తాకడం వల్ల ఈ ఇన్ఫెక్షన్ వస్తుంది.

• విటమిన్ A లోపంతో బాధపడుతుండడం
• తట్టు వ్యాధి ఉన్న వారితో పానీయాలు లేదా ఆహారాన్ని పంచుకోవడం
• తట్టు  వ్యాధిగ్రస్తులకు సమీపపంగా ఉండడం
• 12 నెలల లోపు ఉన్న పిల్లలకు తట్టు వ్యాధి టీకా ఇవ్వబడదు కావున ఈ సమయంలో పిల్లలు తట్టు వైరస్ బారిన పడే అవకాశం ఉంది
• తట్టు చిన్ననాటి ఇన్ఫెక్షన్లతో సంబంధం కలిగి ఉన్నప్పటికీ, టీకాలు వేసుకోని పెద్దల్లో ఈ వ్యాధి ప్రభావితయ్యే అవకాశం ఎక్కువ
• తట్టు వ్యాధి ఉన్న వారితో కరచాలనం చేయడం, చేతులు పట్టుకోవడం లేదా కౌగిలించుకోవడం ద్వార సోకుతుంది
• రోగనిరోధక శక్తి తగినంతగా లేని వ్యక్తులు, పోషకాహార లోపం ఉన్న వ్యక్తులకు కూడా ఈ వ్యాధి సోకుతుంది
• గర్భిణీల నుంచి వారి శిశువుల వరకు – గర్భధారణ సమయంలో, డెలివరీ సమయంలో లేదా పాలిచ్చే సమయంలో శిశువులకు వ్యాపించే అవకాశం ఉంది
• 5 సంవత్సరాల కంటే తక్కువ వయస్సు ఉన్న పిల్లలు మరియు 20 సంవత్సరాల కంటే ఎక్కువ వయస్సు ఉన్నపెద్దలు కూడా ఈ వ్యాధి బారిన పడే అవకాశాలు ఉన్నాయి.

తట్టు వ్యాధి నిర్ధారణ పరీక్షలు

• ఒక వ్యక్తి తట్టు బారిన పడినట్లు అనుమానించినట్లు అయితే ఆ వ్యక్తిలో మొదట గమనించే లక్షణం చర్మంపై దద్దుర్లు ఏమైనా ఉన్నాయా అని చూడటం మరియునోటిలో తెల్లటి మచ్చలు, దగ్గు, జ్వరం మరియు గొంతు నొప్పి వంటి లక్షణాలను గమనించడం చాల కీలకం. రక్తం, ముక్కు మరియు గొంతు నుంచి స్రావాలు, మూత్రం వంటి నమూనాలలో వైరస్‌ను కనుగొనడానికి ముఖ్యంగా సెరోలాజిక్ పరీక్ష పద్ధతులు, వైరస్ ఐసోలేషన్ మరియు రివర్స్ ట్రాన్స్క్రిప్షన్-పాలిమరేస్ చైన్ రియాక్షన్ (RT-PCR) వంటివి కూడా అవసరం కావొచ్చు.

సెరోలజీ పరీక్ష: దద్దుర్లు కనిపించిన కొద్ది రోజులలో తీసుకున్న సీరం నమూనా నుంచి ప్రతిరోధకాల ఉనికిని మరియు అనేక అంటు వ్యాధులను నిర్ధారించడానికి మరియు పర్యవేక్షించడానికి ఈ పరీక్షను చేస్తారు.

సాధారణంగా శరీరంపై దదుర్లు వచ్చి జ్వరం ప్రారంభమైన తర్వాత సేకరించిన నమూనాలను రియల్ టైమ్ RT-PCR టెస్ట్ ద్వారా తెలుసుకోవచ్చు.

ఆరోగ్యకరమైన పిల్లలు మరియు పెద్దలలో మీజిల్స్ మరణాల రేటు తక్కువగా ఉంటుంది మరియు ప్రభావితమైన వ్యక్తులు సాధారణంగా అతి త్వరగా ఈ వ్యాధి నుంచి పూర్తిగా కోలుకుంటారు.

తట్టు వ్యాధి యొక్క చికిత్స విధానాలు

తట్టు వ్యాధి వైరల్ ఇన్‌ఫెక్షన్‌ కావున ఈ వ్యాధికి నిర్దిష్ట చికిత్స అనేది లేదు, ఎందుకంటే వైరల్ ఇన్‌ఫెక్షన్లు యాంటీబయాటిక్స్‌కు ప్రతిస్పందన చూపవు. అయితే కొన్ని సార్లు జ్వరం, దగ్గు వంటి లక్షణాల ఉపశమనము కొరకు మందులు ఇవ్వడం జరుగుతుంది. టీకా తీసుకోవడం, ఈ వ్యాధిని నివారించడానికి సురక్షితమైన మార్గము. చిన్న పిల్లలు వారి యొక్క మొదటి టీకాను వారి మొదటి పుట్టినరోజు లోపల లేక తరువాత తీసుకోవాలి. తట్టు వ్యాధి పూర్తి రక్షణ కొరకు రెండు డోసుల వ్యాక్సిన్ అనునది అవసరమవుతుంది.

• వైరస్ సోకిన 72 గంటల్లోపు వ్యాక్సిన్ తీసుకుంటే తట్టు బారిన పడకుండా నివారించుకోవచ్చు.
• తట్టు వైరస్ మరియు తట్టు వ్యాధి లక్షణాలు సాధారణంగా 2 -3 వారాలలో  అదృశ్యమవుతాయి కాబట్టి తట్టును మందుల సహాయం లేకుండా కూడా నివారించుకోవచ్చు.
• రోగనిరోధక ప్రోటీన్ల మోతాదైన ఇమ్యునోగ్లోబులిన్ ను తట్టు వ్యాధి బహిర్గతమైన 6 రోజులలోపు  తీసుకోవచ్చు.

తట్టు వ్యాధి వ్యాక్సిన్‌ ముందస్తు ఇమ్యునైజేషన్ గురించి వ్యక్తికి ఖచ్చితంగా తెలియకపోతే, వెంటనే టీకా యొక్క బూస్టర్ మోతాదు తీసుకోవాలని సూచించబడింది

తట్టు వ్యాధి యొక్క నివారణ చర్యలు

ఒక వ్యక్తి తట్టు వ్యాధితో బాధపడుతున్నట్లయితే ఈ క్రింది నివారణ చర్యలను తప్పనిసరిగా పాటించవలెను.

తట్టు వ్యాధి రాకుండా టీకాలు తీసుకోవడం అనేది ఈ వ్యాధికి ఉత్తమ నివారణ చర్య. 2 మోతాదుల టీకా వైరల్ ఇన్‌ఫెక్షన్‌కు వ్యతిరేకంగా దాదాపు 97% వరకు నివారణకు ప్రభావవంతంగా ఉంటుంది.

• పిల్లలకు మొదటి డోస్ టీకాను 12 నెలల్లోపు మరియు రెండవ డోస్ టీకాను 4-6 సంవత్సరాల మధ్య వయస్సులోపు అందించాలి
• తట్టు టీకాకు ప్రాణాంతక ప్రతిచర్య చరిత్రను కలిగి ఉన్నవారు మరియు గర్భిణీ స్త్రీలు   వైరల్ ఇన్‌ఫెక్షన్‌కు టీకాలు తీసుకోవాలి
• తినడానికి ముందు మరియు బాత్రూమ్‌ను ఉపయోగించిన తర్వాత చేతులను శుభ్రం చేసుకోవాలి. అంతేకాక ముఖం, కళ్ళు లేదా ముక్కును తాకడం వంటి ఏదైనా చర్య చేసిన తరువాత కూడా చేతులను శుభ్రం చేసుకోవాలి. 
• తట్టు వ్యాధితో ప్రభావితమయ్యే వ్యక్తులతో వ్యక్తిగత అంశాలను పంచుకోవడం మానుకోవాలి.
• ఈ వ్యాధి సోకినప్పుడు శరీరం నిర్జలీకరణం కాకుండా (నీరు, మజ్జిగ, పండ్ల రసాలు) వంటి వాటిని ఎక్కువగా తాగాలి
• విటమిన్ సి అధికంగా ఉన్న పండ్లను (నారింజ, నిమ్మకాయలు, స్ట్రాబెర్రీలు బొప్పాయిని) ఎక్కువగా తీసుకోవాలి (రోగనిరోధక శక్తిని పెంచడానికి, శరీరంపై వచ్చిన దద్దుర్లను నివారించడానికి సహాయపడతాయి). 
• మంచి పౌష్టికాహారం & విటమిన్ A అధికంగా ఉండే గుడ్లు, బ్రోకలీ, బచ్చలికూర, ముదురు ఆకుపచ్చ ఆకు కూరలను తీసుకోవాలి
• తట్టు వ్యాధికి గురైన వారి చర్మంపై దద్దుర్లు వచ్చిన 4 రోజుల తర్వాత నుంచి వ్యాధి తగ్గేంత వరకూ  ఇంట్లోనే ఉండాలి
• 12 నెలల కంటే తక్కువ వయస్సున్న శిశువులు లేదా రోగనిరోధక శక్తి లేని వ్యక్తులు ఈ ఇన్ఫెక్షన్‌కు గురైన వ్యక్తులకు దూరంగా ఉండాలి
• దగ్గినప్పుడు లేదా తుమ్మేటప్పుడు ముక్కు మరియు నోటిని కప్పి ఉంచుకోవాలి.
• తరచుగా చేతులు శుభ్రం చేసుకుంటూ ఉండాలి మరియు క్రమం తప్పకుండా తమ దగ్గరలో ఉన్న ప్రతి వస్తువును శుభ్రచేసుకుంటూ ఉండాలి
• HIV లేదా ఎయిడ్స్‌తో బాధపడుతున్న వ్యక్తులు, ఇమ్యునోసప్రెసెంట్స్ తీసుకునే వ్యక్తులు లేదా క్యాన్సర్ చికిత్స పొందుతున్న వ్యక్తులతో సహా రోగనిరోధక శక్తి తక్కువగా ఉన్నవారు టీకాలు తీసుకోవడం చాలా ముఖ్యం.
• ఒక వ్యక్తి తట్టు వైరస్ బారిన పడినప్పటికీ అతను వైరస్‌ను నిరోధించే రోగనిరోధక శక్తిని గనుక కలిగి ఉంటే ఆ వైరస్‌ అతనిలో మరల ప్రభావితం చెందదు. కావున సరైన సమయంలో టీకాను తీసుకోవడం ద్వారా తట్టు మరియు దాని వల్ల కలిగే తీవ్రమైన సమస్యలను నివారించుకోవచ్చు.
• ఒక శిశువు పుట్టిన వెంటనే వైరస్ నుంచి కొంత రక్షణను పొందడానికి రోగనిరోధక శక్తిని కలిగి ఉంటాడు. కొన్ని సందర్భాలలో ఈ వైరస్ మావి ద్వారా లేదా తల్లిపాలు ఇస్తున్నప్పుడు తల్లి నుంచి శిశువుకు సంక్రమిస్తుంది.

తట్టు వ్యాధితో అనారోగ్యానికి గురికాకుండా లేదా ఇతర వ్యక్తులకు వ్యాపించకుండా నిరోధించడానికి టీకాలు వేయించుకోవడం ఉత్తమ మార్గం. టీకా సురక్షితమైనది మరియు మీ శరీరం వైరస్‌తో పోరాడటానికి సహాయపడుతుంది. తట్టు వ్యాధి సోకిన వారు పెద్దగా భయపడాల్సిన అవసరం లేదు. ముఖ్యంగా శరీరంపై దదుర్లు  మరియు జ్వరం ఉంటే మాత్రం వెంటనే వైద్యులను సంప్రదించి తగు చికిత్స చేయించుకుని మందులు వాడితే త్వరగా తగ్గిపోతుంది.

మీ ఆరోగ్య సంరక్షణ గురించి ఏవైనా సందేహాలు ఉన్నాయా? సహాయం చేయడానికి మేము సిద్దంగా ఉన్నాము! మా అనుభవంతులైన నిపుణుల సలహా కొరకు +919513262681 మాకు కాల్ చేయగలరు.

About Author –

Dr. D. Srikanth, Sr. Consultant Pediatrician & Neonatologist, Yashoda Hospitals - Hyderabad
MD (Pediatrics), PGPN (Boston, USA)

Dr. D. Srikanth

MD (Pediatrics), PGPN (Boston, USA)

Sr. Consultant Pediatrician & Neonatologist

View ProfileBook An Appointment