LAP-URO-2024 పేరిట యశోద హాస్పిటల్స్‌లో నిర్వహించిన అంతర్జాతీయ కాన్ఫరెన్స్ & లైవ్ వర్క్‌షాప్ విజయవంతం
రాడికల్ ప్రో స్టేటెక్టమీ నుంచి మూత్రపిండాల మార్పిడి వరకు యూరాలజీ వైద్య విద్యారంగంలో వచ్చిన అత్యాధునిక వైద్యవిదానాలపై సైంటిఫిక్ అప్‌డేట్ తో అంతర్జాతీయ సదస్సు నిర్వహణ
యశోద హాస్పిటల్స్, హైటెక్ సిటీలో లాపరోస్కోపిక్ నుంచి రోబోటిక్ సహాయక సర్జరీల వరకు (యూరాలజీలో) కిడ్నీ సంబంధిత వ్యాధులు, వాటికి అందుబాటులోకి వచ్చిన అత్యాధునిక వైద్యవిధానాలపై అంతర్జాతీయ సదస్సు & లైవ్ వర్క్ షాప్ LAP-URO’24 పేరుతో రూపొందించబడిన ఒక ప్రీమియర్ సైంటిఫిక్ అప్‌డేట్ కార్యక్రమాన్ని విజయవంతంగా నిర్వహించడం జరిగింది. ఈ అంతర్జాతీయ సదస్సు & లైవ్ వర్క్ షాప్ లో యూరాలజీ వైద్యరంగంలో అందుబాటులోకి వచ్చిన అత్యాధునిక సాంకేతిక పురోగతిని ప్రదర్శిస్తూ అగ్రశ్రేణి జాతీయ యూరాలజిస్టులు ఒకచోట చేరడం జరిగింది. ఇందులో లైవ్ ఆపరేటివ్ సెషన్‌లు, ప్యానెల్ డిస్కషన్‌లు, వర్చువల్ ట్రైనింగ్ మాడ్యూల్స్, ఆధునిక యూరాలజికల్ ఇన్‌స్ట్రుమెంట్‌ల హ్యాండ్-ఆన్ ప్రదర్శనల గురించి తెలియజేస్తూ విజయవంతం చేయబడింది.
ఈ సందర్భంగా LAP-URO’24 గురించి యశోద హాస్పిటల్స్, సీనియర్ యూరాలజిస్ట్ & కిడ్నీ ట్రాన్స్ ప్లాంట్ సర్జన్, డాక్టర్. గుత్తా శ్రీనివాస్ మాట్లాడుతూ.. ఈ సదస్సులో పీడియాట్రిక్ యూరాలజీ, యూరో-ఆంకాలజీ, రీకన్‌స్ట్రక్టివ్ యూరాలజీ మరియు రీనల్ ట్రాన్స్‌ప్లాంటేషన్‌లో ఆవిష్కరణలపై దృష్టి సారించడం జరిగింది. ప్రొఫెసర్ డాక్టర్. అనంత్ కుమార్, డాక్టర్. అరవింద్ గన్‌పూలే, డాక్టర్. జమాల్ రిజ్వీ మరియు డాక్టర్. శ్రీహర్ష వంటి నిపుణులతో సహా హాజరైన వారు, రాడికల్ ప్రోస్టేటెక్టమీ నుంచి మూత్రపిండ మార్పిడి వరకు, యూరాలజికల్‌లో కొత్త బెంచ్‌మార్క్‌లను సెట్ చేయడం వరకు కీలకమైన అంశాలపై లోతైన చర్చలు జరిగాయన్నారు. ఈ సదస్సులో లాపరోస్కోపిక్ సింపుల్ నెఫ్రెక్టమీ, రెట్రో-పెరిటోనియోస్కోపిక్ నెఫ్రెక్టమీ, అడ్రినలెక్టమీ మరియు రోబోటిక్ ప్రోస్టేటెక్టమీ వంటి అనేక రకాల ప్రత్యక్ష సర్జరీలు ఉన్నాయి. సర్జరీ విధానాలను మార్చడంలో, వాటిని సురక్షితంగా మరియు మరింత ప్రభావవంతంగా చేయడంలో ఆధునిక సాంకేతికత పాత్ర యొక్క ప్రాముఖ్యతను గురించి ఈ చర్చలు మరింతగా నొక్కిచెప్పాయని తెలియజేశారు.
ప్రొఫెసర్ డాక్టర్. అనంత్ కుమార్ ఈ కార్యక్రమం యొక్క ప్రాముఖ్యతను వివరిస్తూ… లాపరోస్కోపిక్ మరియు రోబోటిక్ సర్జరీలు యూరాలజీలో విప్లవాత్మక మార్పులు చేస్తున్నాయని, పేషంట్ లకు మరింత ఖచ్చితత్వం, మెరుగైన ఫలితాలు మరియు మెరుగైన జీవన నాణ్యతను అందిస్తుని అన్నారు. LAP-URO’24 వంటి సదస్సులు నైపుణ్యం యొక్క నిరంతర అభివృద్ధికి మరియు రోజువారీ ఆచరణలో తాజా సాంకేతికతను చేర్చడానికి ఇలాంటి సదస్సులు ఎంతగానో ఉపయోగపడుతాయని తెలిపారు.
Photos
